http://togarar.123.is/blog/record/660290/ Nú undanfarið hafa verið uppi vangaveltur varðandi b.v. Sigurð sökum sögusagna þess efnis, að e.t.v. verði skipinu fargað í ár?Vonandi er ekkert sannleikskorn í slíkum getgátum!En skoðum aðeins töluna fimmtíu og tvo (52) í sambandi við togarann Sigurð:Talan fimmtíu og tveir kemur upp þegar lagðar eru saman tölur í öllum þremur einkennisnúmerum sem Sigurður hefur borið.Númerin eru: ÍS 33 - RE 4 og VE 15. Samtals = 52.Talan fimmtíu og tveir kemur upp þegar litið er til aldurs á Sigurði. Togarinn kom nýr til landsins haustið 1960 og telst því enn vera fimmtíu og tveggja ára gamall þegar þetta er skrifað.Í komandi framtíð verður vonandi ekki hægt að segja eitthvað á þessa leið:"Togarinn Sigurður varð jafngamall og samanlagðar tölur í einkennisnúmerum báru með sér; þ.e. fimmtíu og tveggja."Í dokku í Bremerhaven nóv. 1966. Sigurður ÍS 33 (C) Myndbrot: Ingi R. ÁrnasonHér hafið þið lesendur númerslaust og glæsilegt framskipið á b.v. Sigurði í dokku og getið sjálf séð fyrir ykkur í huganum öll þrjú einkennisnúmerin sem skipið hefur borið til dagsins í dag; - ÍS 33 - RE 4 og VE 15. Thu, 23 May 2013 08:09:00 GMT http://togarar.123.is/blog/record/662437/ Myndinni tilheyra fyrsta og síðasta "Stefaníuskipið" sem komu á árunum 1950 og 1952.Skipið sem kom á árinu 1950 var skosk smíðað gufuskip.Skipið sem kom á árinu 1952 var ensk smíðað díselskip.Skipið sem kom á árinu 1950 var hvalbaksskip.Skipið sem kom á árinu 1952 var bakkaskip.Hvalbaks og bakkaskip. Ufsi á dekki (C) Mynd: Ásgrímur Ágústsson Wed, 22 May 2013 06:40:00 GMT http://togarar.123.is/blog/record/662444/ Sjómenn þurfa ekki að óttast að flugan komist í fiskinn þegar hengt er upp á sjónum, en öðru máli gegnir hjá þeim sem hengja upp í landi.Nú fer flugan að láta á sér kræla og því ekki óvitlaust að hengja upp nokkrar spyrður svona áður en hann hlýnar að nokkru ráði í landi. Þ.e. ef á annað borð einhver löngun stendur til þess.Sjósiginn fiskur. Matarleg mynd (C) Mynd: Heiðar W. Jones Tue, 21 May 2013 07:22:00 GMT http://togarar.123.is/blog/record/662240/ Já hann er kuldalegur á að líta þarna við Suðurskautið, en þar er myndin tekin árið 1981.Hér má sjá togara frá Sovétríkjunum að veiðum fjarri heimahögum og aðstæður manna all sérstæðar í stórbrotnu umhverfi. Óblíð náttúruöflin í návígi á þessum slóðum.Veitt við Suðurskautið. (C) Myndbrot: Jon ChristianÞessi mynd er mjög sérstæð. Mon, 20 May 2013 09:42:00 GMT http://togarar.123.is/blog/record/662232/ Skuttogarar verða ekki að aðalefni á togarasíðunni, en næstu tvo daga höldum við okkur þó í námunda við skuttogara. Erlend skip.Í dag erum við stödd um borð í íslenskum síðutogara, nýsköpunartogara og hér er horft yfir til "rússa" að veiðum á öflugu skipi.Skipið er YURIY KOSTIKOV K - 266 frá Sovétríkjunum. Í fjarska má sjá síðutogara sem vel gæti verið íslenskur. Ólík skip.K - 266 frá Sovétríkjunum. (C) Mynd: Heiðar W. JonesRússarnir, eins og sjómenn frá Sovétríkjunum sálugu voru gjarnan kallaðir, áttu það til að vera í full miklu "návígi" við íslensku togarana og fyrir kom að hlutir "féllu" um borð í íslensku skipin. Skoðum einn slíkan hlut sem óvart "hrökk" um borð í íslenskan togara:Svokallað "fjós" um borð í b.v. Slétttbak EA 4 frá Akureyri er vettvangur ljósmyndunar að þessu sinni. Hér er ungur sunnanmaður, skipverji á Sléttbak, með björgunarhring sem ber sovéska áletrun en þessi hringur "hrökk" um borð í íslenska togarann. Greinilega er heimahöfn viðkomandi togara í Múrmansk.PT - 315 Múrmansk. (C) Mynd: Lárus Halldórsson Sun, 19 May 2013 06:40:00 GMT http://togarar.123.is/blog/record/662033/ Í dag eru liðin 67 ár frá því skrokk b.v. Ingólfs Arnarsonar var hleypt af stokkunum í Selby á Englandi þann 18 maí 1946.Skrokkur b.v. Ingólfs Arnarsonar í Selby 1946. (C) Myndbrot: Kristinn SnælandVeiðar togaranna á Reykjaneshryggnum hafa gengið vel það sem af er og sjómenn láta vel af útlitinu.Á "hryggnum" eru auk íslensku togaranna skip annara þjóða, svo sem frá Rússum. Sovétmenn áttu á sínum tíma mikinn flota af úthafstogurum og fyrir kom að íslenskir sjómenn á síðutogurunum væru að veiðum innanum rússnesku skipin, sem voru mörg hver 2000 tonna skip, og nýmóðins. Skuttogarar! Myndin hér að neðan er tekin í nokkurri fjarlægð en myndefnið er c.a. 2000 tonna skuttogari frá Sovétríkjunum. Í bakgrunni má sjá í dæmigerðann síðutogara, svipaðan og við Íslendingar gerðum þá út, 650-700 tonna skip.Skuttogarinn P - 430 frá Sovét. (C) Mynd: Ólafur Níelsson Sat, 18 May 2013 00:11:00 GMT http://togarar.123.is/blog/record/661747/ Togarinn á myndinni kom nýr til landsins þann 17. maí 1947, eða fyrir réttum 66 árum síðan. Þá flögguðu Akureyringar.Í Noregi var flaggað um land allt þann 17. maí 1947, eða á sama degi og Akureyringar fögnuðu hinu nýja skipi sínu. Verður einnig flaggað í Noregi í dag 17. maí ?B.v. Kaldbakur EA 1. Selbyskip með breyttan reykháf (C) Mynd: Heiðar W. Jones Fri, 17 May 2013 00:10:00 GMT http://togarar.123.is/blog/record/661734/ Veðurspáin fyrir næstu daga boðar m.a rigningu og slyddu hér norðan heiða. Umhleypingasamt. Ennþá má því reikna með slabbi á götum.Eru ekki hlýindin handan við hornið? Ha?Siglufjörður um 1970. Snjór og bleyta (C) Mynd: Jóhann Ö. Matthíasson Thu, 16 May 2013 00:07:00 GMT http://togarar.123.is/blog/record/661729/ Maímánuður var löngum tími loka vetrarvertíða og lokadagurinn 11. maí var mjög lengi í heiðri hafður. Með breyttu útgerðarmynstri, samfara kvótakerfi, eru ýmsar breytingar orðnar í sjávarútvegi sem tákn um aðra og nýja tíma og eiginlegum lokadegi á vetrarvertíð ekki fagnað eins og áður fyrri. Dagurinn í gær, 14. maí var vinnuhjúaskildagur hér í eina tíð og þá gátu bændur sem réðu yfir vinnumönnum "skilað" þeim aftur að lokinni t.d. vertíð 11. maí. Vinnumenn úr sveitum voru á togurunum fyrstu árin og þá fengu bændahöfðingjar megnið af launum þeirra.-------------------------------------------------------------------------------------------------------------------------------------------------------------------------------------Við horfum hér í dag yfir dekkið á b.v. Sléttbak EA 4 (ex Helgafell RE 280) og það sem vekur athygli er uppstillingin úr lestum skipsins, sem sjá má í stæðum á dekkinu. Timbur og ál! Gamli og nýji tíminn.Timbrið og álið er hér notað saman í uppstillingar.Löndun á Akureyri. Löndun EA 4 (C) Mynd: Friðrik SigurjónssonHorfandi hér yfir dekkið og allan lestabúnaðinn minnir óneitanlega á sjálfan lokadaginn 11. maí og lestaþrifin sem fylgdu eiginlegum vertíðarlokum forðum daga. Í árum talið er ekki svo ýkja langt síðan sjá mátti sjón sem þessa, fullt dekk af lestarborðum og fjölum, í lok vetrarvertíða. Skrúbba, skrúbba!En úr því við erum í dag stödd á Akureyri er allt í lagi að minna lesendur á, þó þess þurfi nú auðvitað ekkert, að fyrsti síðutogarinn sem kom til landsins með ál í öllum lestauppstillingum, kom nýr til Akureyrar árið 1949 og þá líklega c.a. einum og hálfum áratug áður en myndin hér að ofan er tekin. En hér er enn verið að notast við timbrið að hluta!P.s.Fyrir þá sem þekkja til Akureyrar:Skarðið sem sjá má í bryggjunni og ber í toghlerann er eitthvað sem þið ættuð að skoða lítið eitt. Nafnið Dagný kemur uppí hugann hjá síðuritara við það eitt að horfa á þetta. Wed, 15 May 2013 00:12:00 GMT http://togarar.123.is/blog/record/661526/ Í dag 14. maí erum við stödd á bryggju á Ísafirði og horfum upp til bæjarins. Myndirnar bárust með togara tengdu efni og þó þær sýni ekki togara, eru þær hafnsæknar og alveg upplagt að birta ykkur lesendum þessar myndir núna.Að öllum líkindum eru myndirnar teknar á árabilinu 1966-68.Tilefni þess að við stöldrum við á Ísafirði í dag er sú staðreynd að einn af sonum Ísafjarðar á stórafmæli í dag:Forseti Íslands, Herra; Ólafur Ragnar Grímsson, á 70 ára afmæli í dag 14. maí 2013. Ólafur Ragnar er fæddur 14. maí 1943.Herra Ólafi Ragnari Grímssyni eru hér sendar árnaðaróskir í tilefni tímamótanna. Og að sjálfsögðu öllum öðrum afmælisbörnum dagsins.Ísafjörður skömmu fyrir 1970. Frá Ísafirði (C) Myndir: Heiðar W. JonesÖðru hvoru koma myndir með togaramyndum, sem eiga lítið eða ekkert skylt við togara í sjálfu sér, en ágætt er að fá slíkt efni með. Á ákveðnum tímapunkti er síðan hægt að "lauma" slíkum myndum hér inn á togarasíðuna. Samanber myndir dagsins í dag! Tue, 14 May 2013 00:05:00 GMT http://togarar.123.is/blog/record/661434/ Þegar skoðaðar eru myndir af vestur- þýskum síðutogurum er akkerisspilið gjarnan ekki sýnilegt á bakka eða hvalbak.Eru menn að fyrirbyggja aukna ísingarhættu með þessu háttalagi sínu?Myndin í dag er tekin langt að og því ekki í bestu gæðum, enda vetur og skuggsýnt, en myndin er fín engu að síður. Á myndinni er vestur-þýskur togari og á hvalbak er lítið að sjá og sömu sögu er að segja um brúarþakið. Nánast berstrípað.Skipið liggur lítið eitt til bakborða og gott að sjá til hvalbaks og brúarþaks. (C) Mynd: Jón SigurðssonSkipið á myndinni er ekki ósvipað og fjórir 1000 tonna v-þýsku togararnir okkar. Þessi er þó lokaður á bakborða og ná vistarverur framundir brúarhornið og upphækkuð lunning fram að hvalbak. Sun, 12 May 2013 23:46:00 GMT http://togarar.123.is/blog/record/661429/ Jú, jú sumarið er skammt undan og sólardögunum fjölgar þó vissulega sé ekkert öruggt í þeim efnum þegar veðurfar er annarsvegar. Við erum í dag stödd um borð í b.v. Maí GK 346 frá Hafnarfirði. Skipsheitið á vel við mánuðinn sem nú er og nóg virðist vera af sólskini hjá körlunum, sem njóta veðursins í "fixeringum" á afturdekki togarans. Maísólin skín. Um borð í b.v. Maí GK 346. (C) Mynd: Jón SigurðssonAf sjö mönnum sýnilegum á myndinni eru fimm í samskonar eða svipuðum skyrtum og lítið fer fyrir höfuðfötum í blíðunni. Sat, 11 May 2013 23:21:00 GMT http://togarar.123.is/blog/record/661086/ Lokadagurinn er í dag, laugardaginn 11. maí.Laugardaginn 11. maí 1963 hélt b.v. Narfi RE 13 út frá Reykjavík til veiða, eftir gagngerar endurbætur sem gerðar voru á togaranum. Togarinn Narfi RE sem aðeins var þriggja ára gamall á þeim tíma, í maí 1963, var nýkominn úr viðamiklum breytingum sem framkvæmdar voru í Þýskalandi, þar sem skipinu var m.a. "lokað" bakborðsmegin á togþilfari, en þar var komið fyrir frystitækjum til heilfrystingar aflans.Við skulum af því tilefni að liðin er rétt 50 ár frá þessun tímamótum í sögu b.v. Narfa RE 13, aðeins rýna í mynd og myndbrot af líkani því sem gert var í Englandi, en Englendingar komu að hönnun á breytingum skipsins.Líkan b.v. Narfi RE 13. (C) Mynd: Jörundur GuðmundssonHér er svo ljósmynd sem tekin er í fyrsta frystitúrnum á togaranum Narfa RE 13 og sést í yfirbyggingu tækjaklefans á skipinu bb.megin. Kominn þarna stór og mikil flugbraut.B.v. Narfi RE 13. Frysting. Í maí 1963 (C) Mynd: Jörundur Guðmundsson Sat, 11 May 2013 00:06:00 GMT http://togarar.123.is/blog/record/659202/ Hann sótti nafn sitt til sólarinnar þessi og "sólarmerkið" í reykháfnum er mörgum minnisstætt. Japönum hefði eflaust líkað merkið.B.v. Röðull GK 518. Mynd tekin úr talsverðri fjarlægð (C) Myndbrot: Heiðar W. JonesAukið sólskin dag hvern er óbrigðult merki sumarkomunnar framundan. Og alltaf lengist morgunbirtan.Síðdegis og kvöldsólin er þó enn sem komið er lágt á lofti og karlarnir verða að notast við vinnuljósin á dekki rétt yfir blánóttina.Um borð í b.v. Hafliða SI 2. (C) Mynd: Jóhann Ö. Matthíasson Gufan getur verið gagnleg þegar staðin er trollvakt á spilgrindinni á köldum og myrkum stundum vetrarins. En strax og sólar nýtur við að vori yljar hún þær fáu stundir sem hún skín.Birta og ylur sólarinnar leiðir síður hugann hjá trollvaktinni að borðsalnum, en þangað komast félagarnir stundum í smá "snap." Enda gott að vera laus við "þvargið" í borðsalnum og ekkert að vera öfundast útí karlana þó þeir komist aðeins afturí! Helst að það vanti Bragaksffið Út!Um borð í b.v. Harðbak EA 3. (C) Mynd: Ásgrímur ÁgústssonSysturskipin á tveimur efstu myndanna voru bæði hafnfirsk upphaflega og á meðal 10 nýsköpunartogara sem komu nýjir á árinu 1948. Loftskeytaklefinn úr skipinu á efstu myndinni er varðveittur í Hafnarfirði. Ásamt reyndar fleiru úr skipinu. Thu, 09 May 2013 21:59:00 GMT http://togarar.123.is/blog/record/661085/ Myndbrotið að þessu sinni er svolítið óskýrt. En hvað gæti þetta nú verið sem hér má sjá? Ha?Við hinkrum aðeins með nafn á rétthafa myndefnis. Thu, 09 May 2013 00:55:00 GMT http://togarar.123.is/blog/record/660926/ Um og fyrir s.l. helgi vorum við stödd um borð í togaranum Þorsteini Ingólfssyni RE 206 og sáum myndir frá árunum 1956 og 1959.Í dag, miðvikudag, skulum við aftur halda okkur við RE 206 og nú er ártalið 1958 sem kemur við sögu:Á myndinni sést Reykjavíkurtogarinn Þorsteinn Ingólfsson stinga sér inn fyrir annan botnvörpung og hér skal tekið salt í grænlenskri höfn. Saltsílóið er vel sýnilegt, en takið eftir hleðslu íslenska togarans. Við vorum fyrir tveimur dögum síðan stödd alveg frammi í hosiló á sama togara og við hleðslu sem þessa er hosilóin komin undir sjávarmál.Togarinn sem er á stb. við þann íslenska er togarinn Lepatros og brúin er með þýsku sniði. Og svo er lítill svínahryggur á honum þessum sem oft má sjá á þýskum togurum fyrri ára. Og lítill umbúnaður á hvalbak. (C) Myndbrot: Jónas Franzson Togarar sem stunduðu veiðar í grænlenskri lögsögu á tímum síðutogaranna voru vissulega erlend skip, margra þjóða og spurning hvaða hug heimamenn báru til þessara erlendu sjómanna þegar þeir sáu til flotans að veiðum úti fyrir ströndu? Nú, eða hver var hugur heimanna þegar hinir erlendu sjómenn stigu á land. Langt að komnir, sumir hverjir og framandi menn.Hér fyrir nokkru síðan (26.3. s.l.) birtust myndir teknar um borð í b.v. Úranusi RE 343 og þar birtust í athugasemd vangaveltur um pokabómurnar á Úranusi, þ.e. hversu efnislitlar þær væru. Sama má segja um pokabómurnar á togaranum Lepatros hér á myndinni að ofan. Þunnar spírurHér er nefnilega ekki ósvipað fyrirkomulag á staðsetningu pokabómu og var á þeim eina íslenska nýsköpunartogara sem hafði slíkt fyrirkomulag; b.v. Úranus RE.P.s.Öll vitum við hver var okkar fyrsti landnámsmaður hér á landi, en togarinn Þorsteinn Ingólfsson hér að ofan ber vissulega nafn sonar okkar fyrsta landnámsmanns. Ekki verður þó hægt að segja að sonurinn sé hér að nema land á Grænlandi, eins og faðirinn gerði forðum daga á Íslandi. Wed, 08 May 2013 00:15:00 GMT http://togarar.123.is/blog/record/660932/ Eitthvað verður nú að sýna úr vélarúmum skipa, svona eins og efni leyfir hverju sinni, því hér er ekki um auðugan garð að grisja í þeim efnum. Lítið af slíku efni aðgengilegt.Hér er þó ein mynd úr vélarúmi síðutogara, en það væri pínu ósanngjarnt að ætla ykkur lesendum það að þekkja til viðkomandi togara.En auðvitað má alveg reyna fyrir sér!Um borð í...(sjá umsagnir við myndina.) (C) Mynd: Illugi Óskarsson Tue, 07 May 2013 00:07:00 GMT http://togarar.123.is/blog/record/660150/ Ríkissjórn Íslands, nýsköpunastjórnin, samdi sem kunnugt er upphaflega um smíði á alls 30 togurum í Bretlandi. Tvö skip bættust síðar meir við þá smíðasamninga. Togararnir urðu því alls 32 og eru jafnan kenndir við nýsköpunarstjórnina. Skipin skyldu smíðuð í Englandi og Skotlandi.Í hlut Englendinga komu alls 20 togarar sem smíðaðir yrðu í skipasmíðastöðvum í ; Beverley, Goole og Selby. Átján gufutogarar og tveir díseltogarar. Hlutur skipasmíðastöðvarinnar; Cook Welton & Gemmell, í Beverley, varð helmingur skipanna sem smíðuð yrðu þar í landi, eða tíu skip.Allt gufuskip sem smíðuð voru í tveimur lengdum, þ.e. 5 skip 177.7 fet að lengd og önnur 5 skip 184.1 fet að lengd.----------------------------------------------------------------------------------------------------------------------------------------------------------------------------------------Útgerðarfélagið Ísfirðingur H/f á Ísafirði fékk úthlutað einu skipi, sem smíðað yrði í Beverley, og þá jafnframt síðasta skipið af "styttri" útgáfunni.Skrokkur togarans sem Ísfirðingar áttu í smíðum var sjósettur í Beverley þann 31. des. 1947 og hlaut við sjósetningu nafnið Ísborg ÍS 250. Skipasmiðirnir í Beverley hafa því haft ærna ástæðu til að lyfta glasi þarna á síðasta degi ársins 1947, við skírn og sjósetninguna.Í ársbyrjun 1948 er svo skrokk b.v. Ísborgar fleytt frá Beverley, til Hull, þar sem fullnaðarsmíði togarans lauk.B.v. Ísborg ÍS 250 er loks afhent nýjum eigendum sínum í Hull hinn 26. apríl og kom togarinn til heimahafnar á Ísafirði níu dögum síðar, þann 5. maí 1948. Fyrir sextíu og fimm árum síðan.Ekki var dvalið lengi við bryggju á Ísafirði og strax daginn eftir heimkomu var lögskráð í fyrstu veiðiför á botnvörpunginn Ísborg ÍS. Togarinn hélt þó ekki beint til veiða við brottför frá Ísafirði, en honum siglt til Reykjavíkur þar sem settur var í skipið búnaður vegna lifrarbræðslu sem tók fáeina daga og að því loknu hélt skipið til veiða út frá Reykjavík.Fyrsta lögskráning til veiða á b.v. Ísborg ÍS 250 þann; 6. maí 1948:1. Ragnar Jóhannsson skipstjóri 2. Helgi Jónsson I. stýrimaður 3. Pétur Bjarnason II. stýrimaður 4. Baldur Kolbeinsson I. vélstjóri5. Hallgrímur Pétursson II. vélstjóri 6. Magnús Eiríksson III. vélstjóri 7. Kristján Bjarnason kyndari 8. Anton Ingibjartarson kyndari9. Ellert Eiríksson matsveinn 10. Guðbjartur Finnbjörnsson loftskeytamaður 11. Halldór Sigurbjörnsson bátsmaður12. Þorsteinn M. Guðmundsson netamaður 13. Pétur Þórðarson netamaður 14. Árni Jónsson háseti 15. Þórarinn Ingvarsson háseti16. Ólafur Ólafsson háseti 17. Líndal Magnússon háseti 18. Þorgeir Ólafsson háseti 19. Valdimar Þorbergsson háseti20. Steinn Guðmundsson háseti 21. Annas Kristmundsson háseti 22. Ólafur Guðjónsson háseti 23. Guðmundur Rósmundsson háseti24. Garibaldi Einarsson háseti 25. Hrólfur Þórarinsson háseti 26. Hjörtur Bjarnason háseti 27. Steindór Arason háseti28. Magnús Þórarinsson háseti 29. Karl Jónsson háseti 30. Ársæll Brynjólfsson háseti 31. Björn Jóhannsson háseti.----------------------------------------------------------------------------------------------------------------------------------------------------------------------------------------Nú skulum við líta aðeins um borð í b.v. Ísborg ÍS 250 í fyrstu veiðiför togarans. Jómfrúartúrinn:Hér er verið að fara undir pokann og glöggt má sjá að skipið er allt fágað og fínt. Í fjarska má sjá í svartan reyk. Kolakynding?Þeir eru lagstir í aðgerð karlarnir og það er vænn fiskur innanum. Við fætur pontarans má sjá (efri mynd) að fiskurinn er afhausaður. Á neðri mynd er pontarinn að handleika afhausaðann fisk sem er á leið í lest. Þeir eru tveir hausararnir sjáanlegir og menn sem taka innanúr beygja sig eftir fiskinum og grípa í sjálfan bolinn, þunnildin í stað hausgrips. Og ugglaust eru þessir karlar ekki í fingravettlingum. Þægilegt?Umhverfis lifrarkörfurnar á lúgunni má svo sjá í hausahrúgu.Og munið eitt lesendur: Á þessum tíma, í maí 1948, eru enn staðnar tólf tíma vaktir á dekki. B.v. Ísborg í maí 1948 (C) Myndir: Guðbjartur FinnbjörnssonHér ofan áhafnarlista kemur fram að "Ísborgin" hafi haldið til Reykjavíkur þar sem settur var í togarann útbúnaður vegna lifrarvinnslunnar, þ.m.t. lifrarkall framan við togspilið. Til er skemmtileg saga af afdrifum þessa fyrsta lifrarkalls um borð í togaranum, sem nú "hvílir" reyndar á hafsbotni. Beðið verður með að geta frekar um afdrif lifrarkallsins þar til mynd verður fáanleg af lifrarkallinum til birtingar með frásögninni. (Rétt örlar á lifrarkallinum hér á neðstu mynd)P.s.Eins og kemur fram hér að ofan var b.v. Ísborg ÍS sjósett á gamlársdag árið 1947 og það er freystandi að álykta sem svo, að norður í Skotlandi, hafi á sama tíma látið úr höfn hinn nýi togari útgerðarfélagsins Karlsefnis H/f,- b.v. Karlsefni RE 24, sem kom nýr til landsins þann; 3. janúar 1948.Í dag, 6. maí eru liðin 37 ár frá því að breska freigátan Falmouth F 113 gerði tvær fólskulegar árásir með ásiglingum á varðskipið Tý úti fyrir Austurlandi, en atburðirnir gerðust þann; 6. maí árið 1976. Mon, 06 May 2013 00:14:00 GMT http://togarar.123.is/blog/record/660675/ Fyrir tveimur dögum síðan vorum við stödd í efstu vistarveru á b.v. Þorsteini Ingólfssyni RE 206. Í "hólnum."Við skulum í dag skoða okkur aðeins um frammi í b.v. Þorsteini Ingólfssyni RE og höldum alveg fremst í neðri lúkar. Fram í hosiló!Einhverjir lesendur síðunnar kannast eflaust við þá sýn sem hér má sjá. Þegar komið er úr koju er stígið ofan á rör sem þar er fyrirkomið. Viss forréttindi að geta stígið á kalt rörið þegar komið er úr kojs. Og gott að hafa stuðning af kojunni gegnt sinni eigin. Mikil þrengsli.Hosilóin á RE 206. (C) Myndbrot: Lúðvík FanningÞað sem sjá má til beggja hliða hér næst á myndinni er eitthvað sem þarf að skoða betur síðar.P.s.Í dag eru 65 ár síðan b.v. Ísborg ÍS 250 kom til heimahafnar í Ísafirði fyrsta sinni. Sun, 05 May 2013 00:08:00 GMT http://togarar.123.is/blog/record/660523/ Á morgun, sunnudaginn 5. maí verða liðin rétt sextíu og fimm ár frá því Ísfirðingar fögnuðu komu nýsköpunartogarans Ísborg ÍS 250 nýrrar til heimahafnar á Ísafirði, en þangað kom togarinn þann; 5. maí árið 1948.Í dag, 4. maí skulum við dvelja um borð í hinu nýja skipi, b.v. Ísborg ÍS 250 sem hér er á siglingu frá Englandi áleiðis til Íslands:Veðrið leikur við skipverja þar sem skipið öslar áfram. Upp af brúarþakinu trónir skermur ratsjár á sínu mastri og sé litið niður á dekk má sjá að togvírar eru komnir á sinn stað á tromlum togspils. Og bobbingalengjan á stb. er klár.Í frammastri eru baujur komnar í vanta á bæði borð og greinilegt að menn sitja ekki auðum höndum á siglingu skipsins...Heimsigling Ísborg ÍS 250 í öndverðum maí 1948.Kvöldsólin er sterk enda sólarhæð lág, sem aftur takmarkar sýn stímvaktar þar sem skipið siglir í vestlæga stefnu. En hér gagnast ratsjáin.Greinilega er eitthvað að sjá á stb. sem vekur athygli þeirra á stímvaktinni, þrátt fyrir alla sólarglennuna. Það fer fátt framhjá körlunum.Máski landsýn í fyrsta sinn á hinu nýja skipi og síðasta nóttin á heimstíminu framundan?Stjórnborðstroll undirslegið og klárt. (C) Myndir: Guðbjartur Finnbjörnsson Sat, 04 May 2013 00:27:00 GMT http://togarar.123.is/blog/record/660486/ Til skamms tíma hefur yngsti ljósmyndari sem átt hefur myndir hér á togarasíðunni verið 16 ára að aldri, þ.e. þegar hann tók viðkomandi myndefni, en hér er auðvitað átt við myndir sem tengjast síðutogurum með einum eða öðrum hætti.Þar hefur átt í hlut, Lúðvík Fanning, sem yngsti ljósmyndarinn og sem tók myndir um borð í b.v. Þorsteini Ingólfssyni RE 206 í salttúr á V-Grænland sumarið 1956,- og þá eins og fyrr segir aðeins 16 ára gamall.Nú fyrir skömmu síðan bárust til birtingar myndir sem einnig eru teknar um borð í Reykjavíkurtogaranum; Þorsteini Ingólfssyni RE 206 og eru myndirnar teknar sumarið 1959. Og nú er viðkomandi ljósmyndari, eftir daginn í dag, jafnframt orðinn yngsti ljósmyndari sem hingað til hefur átt mynd hér á togarasíðunni.Ljósmyndarinn ungi, Eyjólfur Pétursson, síðar togaraskipstjóri, var aðeins 13 ára gamall þegar hann var staddur um borð í togaranum Þorsteini Ingólfssyni sumarlangt og mundaði þar ljósmyndavélina. Skoðum hér eitt sýnishorn frá hinum unga ljósmyndara:Úr brú b.v. Þorsteins Ingólfssonar árið 1959. RE 206 árið 1959 (C) Mynd: Eyjólfur PéturssonKemur ekki einhver með nöfnin á þá félaga á myndinni?P.s. Árið sem myndin er tekin var Íslendingum þungt í skauti. Miklir sjóskaðar á árinu. Fri, 03 May 2013 00:04:00 GMT http://togarar.123.is/blog/record/660289/ Á mörgum myndum sem teknar eru á dekki síðutogara má sjá í spilkopp. Og gjarnan spilkoppa beggja vegna á viðkomandi spili. En þó hefur ekki rekið hér á fjörur, fyrr en nú mjög nýlega, mynd sem sýnir vel spilkopp innanverðann.Verður ekki einhver fyrrum síðutogarakarl að fræða þá sem yngri eru um hvaða fyrirbæri það er sem sjá má innaní spilkoppnum? (C) Mynd: Njáll YngvasonEr hægt að kúpla út koppunum þannig að þeir snúist ekki þegar híft er? Thu, 02 May 2013 00:19:00 GMT http://togarar.123.is/blog/record/658700/ Launafólk, til hamingju með baráttudaginn 1. maí, sem nú hefur verið haldinn hátíðlegur hér á landi í 90 ár. (C) Mynd: Jóhannes Haraldsson (C) Mynd: Jóhannes Haraldsson (C) Mynd: Haraldur BlöndalKonurnar á efstu myndinni eru vanar að bregða nálinni á loft og slíkt er einnig snar þáttur í vinnu karlanna á neðstu myndinni. Wed, 01 May 2013 00:12:00 GMT http://togarar.123.is/blog/record/660122/ Hvað er að frétta? Er eitthvað að marka orðróm þess efnis að nú eigi einn "Seebeckari" að hverfa úr flotanum á komandi sumri?Verður Akranesstogarinn einn eftir af 1000 tonna síðutogurunum að sumri loknu? B.v. Víkingur AK 100 (C) Mynd: Anna K. KristjánsdóttirÞað hefur ekki verið mikið um breytingar á einkennisnúmeri þessa togara eftir rúmlega hálfrar aldar skráningu í íslenska flotanum. Tue, 30 Apr 2013 00:09:00 GMT http://togarar.123.is/blog/record/658221/ Við upphaflega samninga sem gerðir voru í Bretlandi árið 1945 um smíði 30 togara, komu 10 skip í hlut tveggja skipasmíðastöðva í Skotlandi; Alexander Hall & c.o ltd og John Lewis & Sons ltd. Fimm skip hjá hvorri stöð. (Síðar bættust tvö skip við upphaflegu samningana og bæði skosk smíðuð)Síðasta skipið sem afhentist fullsmíðað í Skotlandi af skipunum tíu sem upphaflega var lagt upp með, hafði komið í hlut útgerðarfélagsins Marz H/f í Reykjavík og var skrokkur þess sjósettur hjá John Lewis & Sons ltd þann; 11. nóvember 1947. Við sjósetningu hlaut togarinn nafnið Marz RE 261 og skipinu var reynslusiglt föstudaginn 16. apríl og loks afhentur nýjum eigendum sínum daginn eftir, eða laugardaginn 17. apríl 1948.Togarinn Marz RE 261 var, ásamt systurskipi sínu, b.v. Neptúnus, stærstur nýsköpunartogaranna um þær mundir, 684 tonn, en bæði skipin voru lengd umfram upphaflegar teikningar úr 175 fetum í rúm 183 fet.Nýsköpunartogarinn Marz RE 261 kom nýr til heimahafnar í Reykjavík eftir heimsiglingu frá Skotlandi þriðjudaginn 27. apríl og lítið var stoppað, því strax á öðrum degi frá heimkomu var lögskráð á togarann í fyrstu veiðiför fimmtudaginn 29. apríl 1948. Eða fyrir 65 árum síðan.Fyrsta lögskráning á b.v. Marz RE 261 þann; 29. apríl 1948:1. Þorsteinn Eyjólfsson skipstjóri 2. Einar Jóhannsson I. stýrimaður 3. Eðvald Eyjólfsson II. stýrimaður 4. Ingólfur Ólafsson I. vélstjóri5. Gunnar Hestnes II. vélstjóri 6. Jónas Helgason III. vélstjóri 7. Kjartan Þórðarson loftskeytamaður 8. Halldór Sigurðsson matsveinn9. Gunnar Þórarinsson bátsmaður 10. Viggó Símonarson netamaður 11. Sigurður Stefánsson netamaður 12. Sigurður Erlendsson netamaður13. Ágúst Halldórsson netamaður 14. Hafliði Stefánsson háseti. 15. Páll Torp háseti 16. Steinn Ág. Steinsson háseti17. Björgvin Eiríksson háseti 18. Gunnar M. Torfason háseti 19. Albert Guðbrandsson háseti 20. Sveinn Valdimarsson háseti21. Ríkharður Kristjánsson háseti 22. Ingólfur Eyjólfsson háseti 23. Guðmundur Jóhannesson háseti 24. Ragnar Karlsson háseti25. Ólafur Gissurarson háseti 26. Magnús Sigfússon háseti 27. Jón N. Jóhannsson háseti 28. Brynjar Guðmundsson kyndari 29. Indriði Jónsson kyndari 30. Brynjar Brynjólfsson bræðslumaður 31. Sigurður Snæfell II. matsveinn.B.v. Marz RE 261 nýr árið 1948. (C) Úr safni: Ríkharður Kristjánsson Mon, 29 Apr 2013 00:05:00 GMT http://togarar.123.is/blog/record/660015/ Eru ekki allir ánægðir með úrslitin í þingkosningunum? (C) Mynd: Ásgrímur Ágústsson Sun, 28 Apr 2013 11:22:00 GMT http://togarar.123.is/blog/record/659550/ Sjómenn eru pólitískir og "þvargið" í borðsalnum nær nýjum hæðum þegar líða tekur að kosningum til alþingis, eða bæjar og sveitarstjórna.Og margur sjómaðurinn vill nýta sinn kosningarétt, þrátt fyrir að vera fjarri heimahögum. Kjósa utan kjörfundar.En, áður en hægt er að "ganga til kosninga" þarf fyrst að koma sér í land, ef mögulegt er og til þess eru ýmsar aðferðir. Skoðum þrjár mögulegar:1. Gúmmítuðran er góð til síns brúks. Seinlegt, en virkar. (C) Mynd: Heiðar W. Jones (C) Mynd: Heiðar W. Jones2. Lóðsbáturinn er oft fáanlegur í snatt. Og auðsótt við kosningar. (C) Mynd: Heiðar W. Jones3. Svo má líka skjótast í land á sjálfu skipinu. En ekki hafa þó allir kosningarétt sökum lágs aldurs. (C) Mynd: Ásgrímur ÁgústssonOg munið svo að kjósa rétt!P.s.Í dag, 27. apríl eru liðin rétt 65 ár frá komu nýsköpunartogarans Marz RE 261 til landsins fyrsta sinni. Sat, 27 Apr 2013 07:14:00 GMT http://togarar.123.is/blog/record/659701/ Fyrir nokkrum árum síðan tóku menn að "hóa saman" jöxlum af síðutogaraflotanum þar sem menn hafa gert sér glaðan dag, eða tvo og rifjað upp liðna tíð. Hefur slíkt verið gert í þrígang að mennirnir hafi hist á Norðurlandi í fjölmennum samkomum og hefur þóst takast vel til. Þeir norðanmenn kalla þessar samkomur jafnan; "togarahátíð" og á hátíðina hafa komið saman menn frá öllum landshornum. Hafa þar verið að hittast menn sem oft hafa ekki sést til fjölda ára. ----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------Á dögunum mátti sjá í Morgunblaðinu athyglisverða auglýsingu sem okkur á togarasíðunni er ljúft að birta hér, með leyfi höfundar: (Mynd í augl. er tekin um borð í b.v. Maí GK)Eins og sjá má í auglýsingunni að þá er verið að reyna að hafa uppi á skipverjum er voru í umræddri veiðiför á miðin við Nýfundnaland. Veiðiförin hófst að kvöldi þess; 12. feb. 1961, en þá hélt b.v. Freyr RE 1 úr heimahöfn sinni, Reykjavík. Á b.v. Frey RE voru í áhöfn alls þrjátíu menn og í dag, rúmum fimmtíu og tveimur árum síðar eru tíu skipverjar á lífi.Samband náðist við alla mennina tíu og var ákveðið í framhaldi þess að hittast á Sjóminjasafninu Víkin þar sem túrinn umræddi frá því í feb. 1961 skyldi rifjaður upp. Það er svo miðvikudaginn 17. apríl sl. sem níu af tíu fyrrum skipverjum úr umræddri veiðiför á b.v. Frey RE, hittust - þ.e. allir þeir er áttu heimangegnt. Voru veitingar í boði og var mikið skrafað þegar líða tók á samkomuna og margt rifjaðist upp sem sumum hverjum var fallið í gleymsku. Höfðu menn af þessu mikið gaman að hittast eftir öll þessi ár.Hér er ljósmynd sem tekin var við þetta tækifæri og reynt verður að gera þessu betri skil síðar. En lítum á nöfn mannanna:17. apríl 2013. (C) Mynd: Benedikt BrynjólfssonStandandi talið frá vinstri: Einar Ásgeirsson bátsmaður f.1939 - Páll Vilhjálmsson háseti f.1939 - Bogi Þórðarson loftskeytamaður f.1936 - Jón Rafn Sigurjónsson III. vélstjóri f.1938 - Eggert Gíslason háseti f.1942.Sitjandi talið frá vinstri: Benedikt Brynjólfsson háseti f.1940 - Jónas Franzson II.stýrimaður f.1936 - Guðmundur Ásgeirsson I.stýrimaður f.1939 - Ólafur Kr. Ólafsson háseti f.1930. Freyr RE 1. (C) Mynd: Bessi Kristinsson Fri, 26 Apr 2013 00:08:00 GMT http://togarar.123.is/blog/record/659537/ Aðfaranótt sumardagsins fyrsta er hitastigið úti fyrir skoðað, með hliðsjón af því hvernig sumarið framundan muni geta orðið. Það er sem sé athugað hvort frjósi saman vetur og sumar. Ef slíkt gerist að frjósi saman er það talið boða gott sumar.Myndin að þessu sinni ber með sér að hitastigið úti fyrir sé undir núllinu. Kalt á spilgrindinni, en menn láta sig hafa það. Kveinka sér ekki.Um borð í b.v. Jóni forseta RE 108. Köld vaktstaða (C) Myndbrot: Valur Sigurbjarnarson Thu, 25 Apr 2013 01:05:00 GMT http://togarar.123.is/blog/record/659308/ Er ekki nokkuð augljóst um borð í hvaða togara þessi sjómaður er staddur? Ha? (C) Mynd: Jón Ölver Magnússon Tue, 23 Apr 2013 22:48:00 GMT http://togarar.123.is/blog/record/659329/ Já heimahafnir skipanna leyna sér ekki, en hér koma frekari myndbrot í beinu framhaldi þeirra myndbirtinga sem birtust í gær. (C) Myndbrot: Jörundur Guðmundsson (C) Myndbrot: Jón Eldon Tue, 23 Apr 2013 00:07:00 GMT http://togarar.123.is/blog/record/658141/ Jæja, hér fáið þið lesendur skrúfur til að skoða aðeins nánar. Hér er í báðum tilvika um að ræða myndbrot og eru skipin stödd í Englandi og Þýskalandi þegar myndirnar eru teknar.Þið sjáið vel muninn á skrúfum skipanna, sem reyndar eru bæði díselskip. Annað myndbrotið er frá 1949 og hitt frá 1961. (C) Myndbrot: Jörundur Guðmundsson (C) Myndbrot: Jón Eldon Vinsamlega ath. vegna seinni tíma lestrar að nöfn þeirra sem skráðir eru fyrir myndunum hér að ofan eru birt eftir nokkrar hugleiðingar varðandi myndbirtingarnar. Mon, 22 Apr 2013 06:53:00 GMT http://togarar.123.is/blog/record/659082/ Í gær vorum við stödd um borð í b.v. Jóni forseta RE 108, í eigu Alliance H/f, þar sem sjá mátti loftskeytamann togarans á brúarvæng.Skoðum nú aðeins eitt af skipum Alliance H/f; togarann Kára RE 111 þar sem skipið liggur við akkeri nýskveraður og fínn. Trúlega í einhverju stoppi á milli vertíða.Myndin er tekin á fjórða áratugnum og hér er þessi líka fíni loftskeytaklefi á bátadekki og spurning hvort klefinn hafi verið gluggalaus með öllu? Þetta hefur verið einmannalegur vinnustaður, verður að ætla.Vel má sjá í öskurennu sem hangir í festingu í reykháf.B.v. Kári RE 111. Á legunni (C) Úr safni: Baldur SnælandLoftskeytaklefinn er áberandi á afturskipinu en þetta var algengt fyrirkomulag eftir að loftskeytatækin komu í togarana þar sem takmarkað pláss var á stjórnpalli elstu og þá minnstu skipanna. Og svo vitið þið lesendur að sjá mátti á framanverðu bátadekki nýsköpunartogaranna "kassa" en þó öllu fyrirferða minni en loftskeytaklefinn var í eldri skipunum, og hér er auðvitað átt við sjálfan lifrartankinn. Sun, 21 Apr 2013 00:21:00 GMT http://togarar.123.is/blog/record/658626/ Hér er virkilega góð mynd sem tekin er um borð í b.v. Jóni forseta RE 108, trúlega einhvern tíma á árabilinu 1957-9.Á myndinni er loftskeytamaður togarans, Guðjón að nafni, en föðurnafn er ekki þekkt, og eru allar ábendingar vel þegnar.Um borð í b.v. Jóni forseta RE 108. Guðjón loftskeytamaður (C) Mynd: Valur SigurbjarnarsonHún er vel sýnileg viðaráferðin á yfirbyggingunni á "forsetanum."P.s. Vísað er til álitsgjafa varðandi föðurnafn Guðjóns loftskeytamanns. Sat, 20 Apr 2013 00:09:00 GMT http://togarar.123.is/blog/record/658852/ Áður en hætt er veiðum á heimamiðum, eða á landsstíminu, er gjarnan farið til loftskeytamannsins með innkaupalista. Ýmsu þarf að redda fyrir næstu veiðiferð. Panta inn fyrir; dekk vél og eldhús. Stundum getur þurft að gera ráðstafnir í tíma með ýmislegt sem vantar til skipsins, áður en komið er í höfn og listinn æði langur stundum sem lesa þarf upp fyrir reddarann í landi.TFBC Beðið samtals (C) Úr safni: Njáll Yngvason--------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------Alltaf er nú gott þegar einhver umræða, eða hugleiðingar, myndast í kringum myndbirtingar hér á síðunni og eins og áður hefur verið nefnt, að þá gefur slíkt tilefni til ákveðinna myndbirtinga í framhaldinu,- þ.e. ef slíkt myndefni er til staðar sem "passað" gæti í það og það skiptið.Nú hefur verið spurt um ákveðinn einstakling í álitsgjöf nr.2 vegna myndbirtingar hér að ofan og hér vill svo skemmtilega til, að í gær, 18. apríl kom hér í hús mynd af viðkomandi og þar sést jafnframt hvar maðurinn er staddur við myndatökuna. Við skulum nú bregða upp mynd af manninum sem reyndar er nefndur til sögunnar í fyrstu tveimur álitsgjöfunum hér við þessa færslu. En hafa skal í huga við seinni tíma lestur að álitsgjöf og fyrirspurn nr.2 var skrifuð áður en myndin hér að neðan birtist.Um borð í TFBC. (C) Úr safni: Njáll Yngvason Fri, 19 Apr 2013 00:25:00 GMT http://togarar.123.is/blog/record/658461/ Í gær, 17. apríl kom saman hópur 9 manna sem voru samskipa á togara í veiðiför á Nýfundnalandsmið í feb. 1961, eða fyrir 52 árum síðan.Mennirnir níu hittust á Víkin, Sjóminjasafni, og áttu þar saman góða stund þar sem umrædd veiðiför var rifjuð upp og sem nánar verður getið um í Morgunblaðinu einhvern næstu daga. Hér er ekki vitað hvenær umfjöllun blaðsins birtist nákvæmlega.Ekki verður getið að sinni hver togarinn var sem karlarnir níu voru saman á fyrir þessum fimmtíu og tveimur árum síðan, en vísað til væntanlegrar greinar í Morgunblaðinu, og í framhaldinu mun síðan birtast hér á togarasíðunni einhver samantekt vegna þessa.--------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------Hvað segja sérfræðingarnir um hana þessa? Myndin sýnir mannskap á dekki togara og eitthvað er hér öðruvísi en við eigum að venjast. En hvað?Sjá lesendur eitthvað við myndina sem sýnir að trolltakan er ekki eins og alla jafna? (C) Mynd: Jónas FranzsonMyndin sem er frá árinu 1956, er aðeins óskýr, en þó ætti að vera hægt að greina hvað það er sem reynt er að benda lesendum á, að sé ekki alveg eins og venjulega við trolltöku. Thu, 18 Apr 2013 00:08:00 GMT http://togarar.123.is/blog/record/658114/ Togaraskrokkurinn sem hér má sjá er greinilega þýsk smíð - enda þýski fáninn vel sýnilegur.Myndin sýnir hluta skrokks eins af sjö togurum sem fullsmíðaðir voru fyrir Íslendinga í V- Þýskalandi á árabilinu; 1957-60. Vel má sjá í hnoð á myndinni þrátt fyrir að myndatakan hafi farið fram í hríðarmuggu.Nú er spurt:Hvaða togari gæti það verið sem hér er í smíðum? Hnoð í skut. (C) Myndbrot: Jörundur Guðmundsson Wed, 17 Apr 2013 00:06:00 GMT http://togarar.123.is/blog/record/658505/ Í dag, 16. apríl er liðin rétt 53 ár frá því að hinn nýi togari Guðmundar Jörundssonar, útgerðarmanns; b.v. Narfi RE 13 hélt í sína fyrstu veiðiför. Togarinn hafði komið nýr til heimahafnar í Reykjavík á skírdag hinn; 14. apríl 1960 og hafði skipið haft skamma viðdvöl, því strax á öðrum degi eftir heimkomuna, á laugardegi fyrir páska, hélt Þorsteinn Auðunsson, skipstjóri, skipi sínu til veiða. Á þeim tíma sem b.v. Narfi RE 13 hafði viðdvöl í heimahöfn sinni hafði margt manna komið og skoðað hið glæsilega skip. Við skulum skoða til gamans úrdrátt úr gestabók Þorsteins Auðunssonar, skipstjóra, en þar má sjá mörg landsþekkt nöfn einstaklinga, er rituðu nöfn sín í gestabókina. Einn gesturinn ritaði nafnið sitt greinilega í nokkur skipti:Úr gestabók Þorsteins Auðunssonar, skipstjóra. (C) Skönnun: Þorsteinn ÞorsteinssonMyndin af b.v. Narfa RE 13 nýjum við bryggju í Reykjavík er vel þekkt og tekin af Þorsteini Gíslasyni matsveini og birt með leyfi Þorsteins.B.v. Narfi RE 13. Nýsmíðin Narfi RE 13 (C) Mynd: Þorsteinn Gíslason Tue, 16 Apr 2013 00:08:00 GMT http://togarar.123.is/blog/record/658239/ Frú Vigdís Finnbogadóttir, fyrrverandi forseti Íslands, er fædd þann; 15. apríl 1930 og er því áttatíu og þriggja ára í dag. Vigdísi ásamt öðrum er eiga afmæli í dag er hér óskað til hamingju með daginn.------------------------------------------------------------------------------------------------------------------------------------------------------------------------------------Opinberir fánadagar á Íslandi eru nokkrir og á meðal fánadaga er fæðingardagur þess er gegnir embætti forseta Íslands hverju sinni.Ingólfur Arnarson, landnámsmaður, átti fyrir eiginkonu Hallveigu Fróðadóttur, er sagður var mikill kvenskörungur.Fyrsta gufutogaranum og fyrsta díseltogaranum sem afhentir voru Íslendingum fullsmíðaðir í Englandi eftir seinna stríð var gefið nöfn þeirra; Ingólfs og Hallveigar. Þjóðfána Íslendinga var því flaggað til margra ára - innanlands jafnt sem utan - á tveimur nýsköpunartogurum, er báru nöfn þeirra hjóna Ingólfs Arnarsonar og Hallveigar Fróðadóttur.Við skulum í dag, 15. apríl virða fyrir okkur mynd af þeim togara er hét eftir hinum mikla kvenskörungi fyrri alda, Hallveigu Fróðadóttur, en togarinn er hér að veiðum úti fyrir sunnanverðu landinu, með þjóðfánann blaktandi í skutstönginni. Fánadagur hjá skipverjum.B.v. Hallveig Fróðadóttir RE 203 - skipstjóri Eyjólfur Pétursson. Mynd frá árabilinu 1970-71 (C) Mynd: Ásgrímur ÁgústssonJá, fallegur var skrokkurinn á systurskipunum; b.v. Hallveigu Fróðadóttur RE 203 og b.v. Jóni Þorlákssyni RE 204. Mon, 15 Apr 2013 00:18:00 GMT http://togarar.123.is/blog/record/658136/ Tappatogari er að öllum líkindum sýndur hér í fyrsta sinn á togarasíðunni. Einu sinni hefur þó reyndar sést dekkmynd frá einum.Á myndinni er m.b. Sigurður Bjarnason EA 450 frá Akureyri, smíðaður 1958 og eru því 55 ár á þessu ári frá því skipið kom nýtt til landsins.Á árinu 1958 fengu landsmenn nýsmíðuð togskip frá; Englandi - og báðum blokkum Þýskalands, austur og vestur. Sigurður Bjarnason EA 450 (C) Myndbrot: Heiðar W. JonesHér má sjá hvernig "tekið er í blökk" á tappatogaranum aftanverðum, í gegnum lúgu aftast í gangi.Var eitthvað um að tappatogararnir væru hnoðaðir á t.d. ákveðnum plötu-samskeytum? Veit það einhver? Sat, 13 Apr 2013 23:39:00 GMT http://togarar.123.is/blog/record/656526/ "Afsakið, en er það rétt sem mér heyrist að þið séuð að tala íslensku?" Eitthvað á þessa leið hljóðaði spurning eiganda veitingastaðar í Ostende, í Belgíu, til erlendra manna sem voru rétt nýkomnir inn á veitingastaðinn. Mennirnir höfðu tillt sér niður við eitt borðið og voru eitthvað að skrafa saman þegar veitingamaðurinn gaf sig að þeim."Jú mikið rétt, við tölum íslensku!" Svöruðu aðkomumenn. "Við erum íslenskir sjómenn á fiskiskipi." Sögðu þeir jafnframt."Bróðir minn var Íslands-sjómaður, togarasjómaður, en hann fórst við Ísland á síðasta ári. Hann var í áhöfn á togaranum Pelagus." Sagðist þessum annars glaðværa eiganda veitingastaðarins og hann hélt áfram; "Sjáið þið stýrið þarna uppaf bekkjunum" þetta er stýrið úr togaranum sem bróðir minn var á - togaranum Pelagusi." Sagði vertinn. Auðvitað vissu íslensku sjómennirnir allt um strand togarans Pelagus við Vestmannaeyjar árið áður - árið 1982.Sjómennirnir íslensku sem þarna komu við sögu voru skipverjar á b.v. Snæfugli SU 20 frá Reyðarfirði (ex Guðbjörg ÍS 46) sem staddur var í höfn í Ostende í söluferð. Höfðu sjómennirnir af togaranum Snæfugli SU rölt sér inn á þennan tiltekna veitingastað fyrir algera tilviljun.Vertinum þótti mikið til koma að fá þarna í heimsókn sjómenn frá Íslandi og var mikið skrafað. Og auðvitað var veitingamaðurinn myndaður við stýrið sem tengist báðum löndum; Belgíu og Íslandi á sinn hátt.Vertinn í Ostende og stýrið úr Pelagus. (C) Mynd: Benedikt BrynjólfssonMyndin er tekin á árinu 1983 og því u.þ.b. 30 ára gömul. Fri, 12 Apr 2013 23:49:00 GMT http://togarar.123.is/blog/record/657583/ Hér var fyrir nokkrum dögum síðan birt myndasyrpa sem tekin var um veturinn eða vorið 1968 um borð í b.v. Svalbak EA 2 frá Akureyri. Ljósmyndari að þeirri myndasyrpu er Heiðar W. Jones, fyrrverandi loftskeytamaður. Við skulum bregða okkur aftur um borð í togarann Svalbak EA 2 og virða fyrir okkur hvernig umhorfs var um borð í "gamla góða Svalbak" á þessum tíma, skömmu fyrir 1970. Togarinn er hér rétt að verða 20 ára gamall, smíðaður 1949, og ýmislegt um borð sem hefur tekið útlitsbreytingum með tíð og tíma. Látið á sjá.Ljósmyndin sem slík er mjög "listræn" ef svo mætti segja og unnendur listar sjá e.t.v. mikinn "skúlptúr" í myndinni. Eða hvað?Maðurinn sem hér stillir sér upp fyrir myndatöku er sjálfur loftskeytamaðurinn og myndasmiðurinn; Heiðar W. Jones, sem hér hefur fengið einhvern skipverjann til að mynda sig í þessu sérstæða umhverfi.Já, sjómenn eru listrænir og skynja umhverfið í kringum sig.Um borð í b.v. Svalbak EA 2. (C) Mynd: Heiðar W. JonesEkki fer mikið fyrir reiða afturmasturs á þessum togara. Fri, 12 Apr 2013 16:24:00 GMT http://togarar.123.is/blog/record/657856/ Allur sá prófarkalestur sem viðhafður er á ritstjórn togarasíðunnar, kemur ekki í veg fyrir að í gegnum "nálaraugað" sleppi texti sem enginn, eða lítill fótur er fyrir. Slíkt gerðist t.d. hér á síðunni í gær, 10. apríl þegar b.v. Þormóður goði RE 209 var ranglega sagður fyrstur íslenskra togara með svonefndan "þrífót." Sem nýsmíði.Það er nefnilega alls ekki svo að Þormóður goði RE hafi verið fyrstur skipa í íslenska togaraflotanum með slíka útfærslu í formastri. Togarinn Jörundur EA 335 var auðvitað fyrstur íslenskra togara með slíkt fyrirkomulag, en togarinn gleymdist algerlega þegar færslan vegna Þormóðs goða var skráð. B.v. Jörundur EA 335 frá Akureyri, í eigu Guðmundar Jörundssonar, útgerðarmanns, var útbúinn með svokallaðann "þrífót" allt frá upphafi, en togarinn var fullsmíðaður í Lowestoft á Englandi árið 1949.Hér að neðan getur að líta framskip togarans Jörundar EA og er skipið alveg nýtt á myndinni og statt í höfn í Lowestoft. Fremst á bakka skipsins má sjá í svínahrygginn og á aftanverðum bakkanum má greina kefagöt sem ekki voru almennt í togurum frá þessum smíðatíma,- á upphafsárum svokallaðrar nýsköpunar.Gleymum svo ekki sjálfum þrífætinum sem festur er aftast á bakkanum.B.v. Jörundur EA 335 alveg nýr árið 1949. Í höfn í Lowestoft (C) Mynd: Jörundur Guðmundsson Thu, 11 Apr 2013 00:04:00 GMT http://togarar.123.is/blog/record/657310/ Í gær 9. apríl voru liðin rétt 55 ár frá komu hins nýja togara B.Ú.R;- b.v. Þormóðs goða RE 209 til landsins. Togarinn kom í stað nýsköpunartogarans Jóns Baldvinssonar RE 208 sem strandaði við Reykjanes í lok mars árið 1955.Togarinn Þormóður goði RE var smíðaður í Bremerhaven, og var 848 lestir að stærð. Þormóður goði var annar togarinn sem smíðaður var fyrir Íslendinga í V-Þýskalandi, eftir lok seinni heimsstyrjaldar. Heim var togarinn kominn þann; 9. apríl 1958, en "goðinn" hafði viðkomu í Grimsby á heimleiðinni. Skipstjóri á Þormóði goða var Hans Sigurjónsson.B.v. Þormóður goði RE 209 var 190 fet að lengd, eða fimm fetum lengri en togararnir; Gerpir - Gylfi og Þorkell máni sem verið höfðu lengstu togararnir í íslenska flotanum áður en Þormóður goði bættist í flotann.B.v. Þormóður goði RE 209. (C) Mynd: Ásgrímur ÁgústssonB.v. Þormóður goði RE 209 var fyrsti þýsk-smíðaði togarinn sem smíðaður var fyrir Íslendinga með svokallaðann "þrífót" og enn fremur fyrstur með aukna hæð á yfirbyggingu.B.v. Þormóður goði RE 209 var síðasti togarinn sem smíðaður var með bátadavíður fyrir Íslendinga. En jafnframt var "goðinn" síðari togarinn af tveimur sem smíðaðir voru fyrir landsmenn eftir seinna stríð með bátadavíður staðsettar á útsíðum.Skutlagið leynir sér ekkert á skipinu þegar myndin er skoðuð. Þýsk smíð.P.s. Í gær 9. apríl var b.v. Narfi RE 13 lítillega til umfjöllunar, en Narfa RE var reynslusiglt í Þýskalandi á tveggja ára komu afmæli b.v. Þormóðs goða til Íslands fyrsta sinni þann; 9. apríl 1960. Wed, 10 Apr 2013 00:02:00 GMT http://togarar.123.is/blog/record/657255/ Hér getur að líta sýnishorn úr gestabók Þorsteins Auðunssonar, togaraskipstjóra, frá því í apríl mánuði árið 1960 vegna reynslusiglingar á hinum nýja togara; b.v. Narfa RE 13 í V-Þýskalandi.Fyrri dagsetningin í bókinni sem við skoðum er frá því þann; 8. apríl 1960.8.apríl 1960. (C) Skönnun: Þorsteinn ÞorsteinssonHér kemur brot úr gestabók Þorsteins Auðunssonar, skipstjóra, frá því þann; 9. apríl 1960.Reynslusigling hins nýja togara; b.v. Narfa RE 13 frá Reykjavík, fór fram þennan dag; 9. apríl 1960 samkvæmt texta.9.apríl 1960. (C) Skönnun: Þorsteinn ÞorsteinssonSkoðum hér b.v. Narfa RE 13 þar sem togarinn er í reynslusiglingu og gafallinn flaggar þýska fánanum í afturmastri, enda skipið enn í eigu þýskra og á þeirra ábyrgð á siglingunni.B.v. Narfi RE 13. (C) Mynd: Jörundur GuðmundssonReynslusigling á b.v. Narfa RE 13 í V-Þýskalandi var hinn; 9. apríl 1960 eins og fram kemur hér í texta að ofan. Dagssetningin; 9. apríl er vissulega tengd Þýskalandi á sögulegan máta og þýski gunnfáninn var víða við hún á skipum hinn; 9. apríl 1940,- eða réttum 20 árum fyrir reynslusiglingu á b.v. Narfa RE 13. Tue, 09 Apr 2013 01:44:00 GMT http://togarar.123.is/blog/record/657614/ Jæja hér kemur mynd sem sýnir nú harla lítið af skipinu sem ljósmyndarinn er staddur um borð í. Engu að síður sést alveg nóg!Því spyrjum við: Á hvaða togara er ljósmyndarinn þegar hann tók myndina? (C) Mynd: Benedikt Brynjólfsson Mon, 08 Apr 2013 16:30:00 GMT http://togarar.123.is/blog/record/657465/ Í þeirri myndasyrpu sem hér er næst að neðan, er á ljósmynd nr.14 sýnilegur fiskur á rekkverki bátapalls og nú vaknar sú spurning í framhaldinu, hvað þetta sé nú eiginlega sem Norðlendingarnir hafa hér hengt upp?Skoðum hér myndbrot út frá ljósmyndinni umræddu sem sýnir hér fiskmetið. Hvaða fiskur er þetta? Ha? Myndbrot (C) Mynd: Heiðar W. Jones Mon, 08 Apr 2013 06:49:00 GMT http://togarar.123.is/blog/record/656831/ Hér mun á næstu dögum birtast ljósmyndasyrpa sem tekin er af Heiðari W. Jones, loftskeytamanni, á b.v. Svalbak EA 2 frá Akureyri.Ljósmyndirnar frá Heiðari loftskeytamanni eru frá hafísvetrinum 1968 og því réttra 45 ára gamlar um þessar mundir. Fyrstu myndirnar í syrpunni, sem eins og fyrr segir mun birtast á nokkrum dögum, eru teknar skammt vestur úr Eyjafirði, og að endingu koma myndir sem teknar eru upp í harða landi norður á Ströndum.Ath: Myndirnar birtast númeraðar og raðast þannig að mynd nr.1 verður efst og mynd nr.2 þar fyrir neðan o.s.frv.--------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------Landsmenn fóru ekki varhluta af hafísnum þeim "forna fjanda" sem hér var við land um veturinn og vorið 1968. Hér má sjá inn í Eyjafjörðinn vestanverðann um veturinn, eða snemma vors 1968 og ísrek talsvert. Margir kenna eflaust Ólafsfjarðarmúlann sem sjá má móta fyrir á myndum nr; 1 og 2.Mynd nr.1Oft er haft á orði þegar kuldaboli bítur hressilega á vanga; "Það er stutt í hafísinn" og það eru orð að sönnu hér.Mynd nr.2Hann er kuldalegur að sjá og landsins "forni fjandi" er hér landfastur. Ströndin þakin ís.Mynd nr.3Þéttleiki hafíssins er mismikill og vélsíminn er því mikið notaður; Stopp - mjög hæg - hæg - hálf og full ferð. Allt eru þetta "skipanir" sem oft þarf að gefa til vélarúms á siglingu innan um ísinn.Mynd nr.4Íslensk fiskiskip sem hér eru á ferð eru nær undantekningarlaust norðlensk og skipstjórnarmenn eru í miklum samskiptum sín í milli. Hér þarf gott upplýsingaflæði þar sem skipst er á uppl. um bestu siglingarleiðir.Mynd nr.5 Hér er eitt nýjasta fiskiskip flotans á þessum tíma, einungis nokkurra mánaða gamalt, að dóla sér inní einni vökinni. Akureyrarskip.Mynd nr.6Dólað í austurátt.Mynd nr.7Mynd nr.8Mynd nr.9Mynd nr.10Mynd nr.11Hægt er farið en mjakast þó.Mynd nr.12Hann er lúshægur, því betur, og það rétt gárar á yfirborðið.Mynd nr.13Vakir eru margar sem þrætt er í gegnum þar sem hraði og stefna eru síbreytileg.Mynd nr.14Oft er þetta ekkert annað en bið og í góðu veðri er ekki hægt að loka sig inni. Hvalbakurinn er því góður staður til að viðra sig á.Mynd nr.15Vakt og frívakt eru úti við í blíðunni og á vöku er tíminn notaður í "fixeringar." Að vera innilokaður í hafís og komast hvergi, verandi aðeins á lakkskóm og á peysunni úti við - hvað er betra?Mynd nr.16Mynd nr.17Mynd nr.18Hér er einn á toginu. Selbyari.Mynd nr.19Hér er einn Aberdeen-smíðaður að hefja köstun. Hann gefur sig oft til við ísinn.Mynd nr.20Hér hafa menn loks hjakkað vestur yfir Húnaflóann og komnir upp undir land á Ströndum. Fram undan eru farmskip á leið norður með Ströndum á sömu siglingaleið, og næst togaranum er strandferðaskip frá Ríkisskipum. Skosk-smíðað eins og togarinn sem hér sýnir alla tilburði til þess að vilja ryðja brautina framundan. Komast fram fyrir.Mynd nr.21Þrátt fyrir hið virðulega heiti "Herðubreið" ætlar skipið að eftirláta togaranum það hlutverk að "reka öxlina" í hafísinn. Skipinu er því hagrætt og togarinn rennur brátt fram með síðu strandferðaskipsins og forvitnir skipverjar og e.t.v. farþegar fylgjast með.Mynd nr.22Þeir sigla með allt heist karlarnir, en vel er frágengið; Tog-gertar, milli-gertar og gilsar, allt er vel súrrað. M.s. Herðubreið er eitt þriggja skipa sem smíðað var fyrir Ríkissjóð í Skotlandi, strax eftir seinna stríð. Eitt skipanna kolakynt. Hér er auðvitað ekki átt við nýsköpunartogarana sem Ríkissjóður taldist vissulega upphaflegur kaupandi að.Mynd nr.23Ísinn framundan er nokkuð gisinn og veðrið er ekki til trafala. Hér er erlent leiguskip á ferð, en hægt er farið.Mynd nr.24Mynd nr.25Mynd nr.26Nokkuð breið læna er hér alveg fast með landi og áfram þarf að þræða nokkuð nálægt ströndu.Mynd nr.27Ef hér er búseta á bæjunum framundan hafa bændur eflaust litið upp frá vorverkunum og fylgst með skipunum úti fyrir. Nánast uppí fjöru.Mynd.28Mynd nr.29Jú, jú mikið rétt við erum enn stödd um borð í b.v. Svalbak EA 2 frá Akureyri. Og hér er farið ansi grunnt með landi. Komnir nánast í kálgarðana, en hér "vatnar" ekki á milli ljósmyndara og landsins. Skipverjar á strandferðaskipinu Herðubreið afturút þekkja ströndina eins og lófana á sér, en öðru máli gegnir kannski um togarajaxlana sem hér eru að þræða fjöruborðið. Sem þó redda sér auðvitað áfram.En hvaða bæjarrústir eru þetta sem svo skemmtilega eru myndaðar þarna frá borði nýsköpunartogara? Gamall torfbær m.a.Mynd nr.30Eftir að hafa þvælst um íshrönglið í nokkurn tíma, á hinum ýmsu hraðastillingum, skulum við enda myndasyrpuna í brúnni á b.v. Svalbak EA 2.Myndin er frá sama tímabili og hér hefur verið til sýnis og skoðunar. Vélsíminn er kominn á "full ferð" og þannig verður það líka hér hjá okkur.Mynd nr.31 Myndasyrpa frá 1968 (C) Myndir: Heiðar W. JonesP.s.Árið 1968 var um margt þungt í skauti og hér mætti nefna sem dæmi; Sjóslysin fyrir Norðurlandi og við Ísafjarðardjúp í janúar og febrúar. Blessuð síldin "hvarf" og fólksflótti var talsverður úr landi á því herrans ári 1968. Sun, 07 Apr 2013 08:49:00 GMT http://togarar.123.is/blog/record/656807/ Upprunaland þessa síðutogara er mörgum kunnugt, en öllu verra er máski að átta sig á staðháttum hér.Myndin er tekin skammt neðan Hull í Englandi og hér eru örlög skipsins þegar ráðin. Mastur og toggálgi eru t.d. þegar komin á land. Ex Freyja RE - ex Ársæll Sigurðsson HF (C) Myndbrot: Illugi ÓskarssonP.s. Toggálginn varð reyndar eftir á Íslandi. Tue, 02 Apr 2013 08:22:00 GMT http://togarar.123.is/blog/record/656517/ Já hún setur svolítið öðruvísi svip á þilið, viðaráferðin, og sumum þykir þetta fallegt. En þetta myndbrot hér næst að neðan var til skoðunar og smá vangaveltna hérna á togarasíðunni hinn; 28. mars s.l. (C) Myndbrot: Jón Eldon Skoðum hér annað myndbrot, aðeins stærra, út frá sömu ljósmynd en þar má m.a. sjá á rekkverki brúarvængs, utanverðum, björgunarhring sem ber augljóslega áletrunina; Freyr. Og þá hafið þið það lesendur. Sumir höfðu þegar getið sér rétt til um skipið strax og fyrra myndbrotið birtist, þrátt fyrir smæð þess. Weserskip (C) Myndbrot: Jón EldonÞað er spurning hvort fleiri þýsk smíðuð skip hafi verið máluð með sama móti? Máluð með tvisti. Tue, 02 Apr 2013 00:04:00 GMT